آحَ ـٍـٍـٍآإسَيّس مٌبـٍـٍعْـثُرهـْ فَيُِ زَوٌآإيّآ آلش ـعَورُ ..! الـ (لآ إرَآدِي)..!

آسف أنا في جيتي لك تسرعت
ظنيت الأقي فيك شين فقدته
كنت أحسبك مجروح مثلي تولعت
جربت فرقى شخص قلبك وهبته
كنت أحسبك من مر جرحك تجرعت
حبيت فيك أحساس طفلن لمحته
لو قلت آه بوسط روحي توجعت
ولو شفت دمعاتك شعوري سكبته
ولو تطلب عيوني أبد ماتمنعت
وأعطيك قلبي لو بعد ماطلبته
وصلت بك أعلى مكان وتربعت
وفي قلب غيري يالغضي ماوصلته
وأصبر على صدك وأشوفك تدلعت
واعطيك ود ما أظنك حسبته
أذهلتني بطباعك اللي تطبعت
حتى قصيدي فيك أبد مافهمته
لو كان غاياتك حروفي فأنا بعت
وأفرح بجرح الشاعر اللي جرحته
وأرجوك تراني من صدك تشبعت
خلك مع اللي عاجبك أو عجبته
يكفي قهر في جيتي لك (تواضعت)
تركت غيرك لجل عينك وبعته
ياليتني عن حب مثلك ترفعت
ياليت قلبي قبل أعرفك دفنته
لكن ببعد دامني فيك توهقت
الله يرحم حبنا اللي ذبحته
أنا شريت الود والحين أنا بعت
وأنا عطيتك قلبي اللي قهرته
كمل حياتك مثل ما أنا توقعت
تبقى أسير الماضي الي فرضته
ولايحزنك أني غلطان وتراجعت
حولك بدالي ألف شخصن عجبته
أما أنا لايمكن أخضع ولا طعت
يحرم علي أعطيك قلبن خذلته
بريحك من شوفتك يوم قاطعت
أسلوبك اللي به تجاهل كرهته
غلطان ياالمقفي أنا ماتتبعت
غيري يتابع خطوتي ماتبعته
ماينحني راسي لو أني تقطعت
وماهو أنا من لارميته لقطته
وان كان غرك حكي عذالي وطعت
الله يعلم كيف قلبي سكبته
اللي ملا قلبك علي وتسمعت
خله يعوض شخص مثلي خسرته
أنا بما فيه الكفايه تولعت
واللي بقى من قلب فيني حرقته
بأول لقا سلمته أحساسي وضعت
غلطت حياتي يوم قلبي سلبته
وأستسمحك فالبعد كاني تراجعت
ماعاد أبلقى فيك شي فقدته
طبعك مثل غيرك وطبعي كما كنت
أحب شخص ولاتركته تركته
وأن شفتني صدفه بعينك تطلعت
ذكرتني بأنسان غالي فقدته ...!

اغليك حتى لو تكبرت بغليك
اغليك لو كل البشر عارضوني
اغليك حتى وان تناسيت شاريك
اهواك لو كل البشر ضايقوني
انساك كيف وعالمي تايهن فيك
وانساك وانت من البشر في عيوني